प्रतिभाको कुरा सुनौं, लिटिल मिस वल्र्ड विपश्वी पौडेल के भन्छिन् ?

मेरो मनपर्ने ठाउँ स्तानबुलको समुद्रको किनार र नेपालमा पोखरा हो । मलाई मनपर्ने लेखक विलियम ब्लेव र लक्ष्मीप्रसाद देवकोटा हुन् । भविष्यमा मलाई अन्तरिक्ष यात्री बन्ने इच्छा छ । मेरो लक्ष्य पनि त्यही हो । डाक्टर बन्न मलाई मन छैन ।

मलाई कथाको किताब पढ्न एकदमै मनपर्छ । बार्बीको डायरी मेरो मनपर्ने कथाको किताब हो । मलाई बत्ती गएको मनपर्दैन । मेरो मिल्ने साथी माया लामा र सलिना कार्की हुन् । मलाई घिउँ हालेको जाउलो खान मज्जा लाग्छ । स्निकर चकलेट, चकलेट स्वादको आइसक्रिम र पिज्जा पनि मलाई मनपर्छ । खरबुजा, लौका र मेवा मलाई मनपर्दैन ।मिस वल्र्डमा भाग लिन जाँदाको बेला समुद्रमा पौडी खेल्दा निकै रमाइलो भएको थियो । म एकदमै खुसी भएको क्षण पनि हो त्यो । मलाई चित्र बनाउँन र कि बोर्ड बजाउँन मन लाग्छ । 

मिस वल्र्डमा जाँदा मैले बनाएका मेरा दुई बेस्ट फ्रेन्डहरु एलिक्यू प्रिन्स लू (दक्षिण अफ्रिका) र मड्रिना (काजकिस्तान) हुन् ।