 |
| Youngest News Reader Girl Pratisna KC |
आज केटाकेटी न्युज पत्रिकाको रेडियो नेपालमा समाचार भन्ने सानी साथीसँग भेट भयो । सम्भवतः उनी सानै उमेरमा समाचार भन्ने कान्छी समाचारवाचक पनि हुन् । हँसिली प्रतिभाशाली सानी समाचारवाचक साथीको नाम प्रतिस्ना केसी हो ।
उनी बुवा डिल्लेश्वर र आमा ताराकी प्यारी छोरी हुन् । उनलाई समाचार भन्दा मज्जा लाग्छ । उनको स्वर कोइलीको जस्तै छ । उनी गीत गाउन पनि सिपालु छिन् । उनी भन्छिन्– समाचार भन्दा नयाँ–नयाँ कुरा थाहा पाइन्छ, त्यसैले समाचार भन्दा मलाई राम्रो लाग्छ ।
भविष्यमा राम्रो गायक र डाक्टर बन्ने लक्ष्य लिएकी प्रतिस्नालाई गायिका दुर्गा खरेल मनपर्छ । राम सिटौला उनको मनपर्ने गायक हुन् । उनले विगत सात महिनादेखि रेडियो नेपालमा समाचार भन्दै आइरहेकी छिन् । अनुशासन नै विद्यार्थीको गहना हो भन्ने प्रतिस्ना विद्यालयको राम्रो मिहिनेती विद्यार्थी हुन् भन्नुहुन्छ बालकोट, भक्तपुरमा रहेको मेरिगोल्ड विद्यालयका प्रिन्सिपल भुवनलाल श्रेष्ठ । प्रतिस्ना सोही विद्यालयमा कक्षा ४ मा पढ्छिन् । उनी अहिले दश वर्षकी भइन् । सानी नानी प्रतिस्नाको भविष्य सुन्दर होस्, केटाकेटी न्युज पत्रिकाको तर्फबाट उनलाई धेरै धेरै शुभकामना छ ।
No comments:
Post a Comment