गोठाले किशोर साहित्य पाण्डुलिपि पुरस्कार, २०६९ ‘फ्लास्ब्याकमा जिन्दगी’ नामक लक्ष्मी उप्रेतीको उपन्यासलाई, प्रथम हुने प्रतिभालाई एक डोको पुस्तक पुरस्कार

काठमाडौं,  वरिष्ठ लेखक गोविन्द बहादुर मल्ल ‘गोठाले’ को स्मृतिमा स्थापित गोठाले किशोर साहित्य पाण्डुलिपि पुरस्कार वर्ष २०६९ का लागि लक्ष्मी उप्रेती लिखित किशोर उपन्यास ‘फ्लास्ब्याकमा जिन्दगी’ लाई प्रदान गरिएको छ । वरिष्ठ समालोचक प्रा.डा. चुडामणि बन्धु, प्रज्ञाप्रतिष्ठानका उपकुलपति गङ्गाप्रसाद उप्रेती, जलेश्वरी श्रेष्ठ, गीताकेशरी र उन्नति बोहोरा शीलाले संयुक्त रुपमा यो पुरस्कार प्रदान गर्नुभएको थियो । पुरस्कारमा ११ हजार १ सय एघार नगद र ताम्रपत्र रहेको छ ।

   कार्यक्रममा उपत्यकाव्यापि विद्यालय स्तरीय कथालेखन प्रतियोगितामा ‘अम्लेट, तिलक र बिक्सो’ शीर्षक कथा लेखी प्रथम हुने स्कलर्स होम एकेडेमी स्कुल, सामाखुसीकी १३ वर्षिय बालिका सुयोशा अधिकारीलाई एक डोको पुस्तक र बुद्घको प्रतिमा भएको शिल्ड प्रदान गरिएको छ । त्यस्तै दोस्रो र तेस्रो हुने क्रमशः नीति दाहाल, एडभान्स स्कुल, कालोपुल (‘द म्याजिसियन’ कथा) र तृतीय प्रतिमा भट्टराई, कक्षा ८, गार्गी शिक्षा सदन, गणेशमार्ग, चावहिल । (‘अनिताका अक्षर’ कथा) लाई एक–एक डालो पुस्तक र बुद्घको प्रतिमा भएको शिल्ड दिई पुरस्कृत गरिएको छ । कार्यक्रममा छनोटमा परेका १८३ जना विद्यार्थीहरूको कथामध्येबाट उत्कृष्ट दशवटा छानी उत्कृष्ट तीनलाई विशेष पुरस्कार र अन्य सातजनालाई ट्रफी प्रदान गरिएको छ । साथै पुरस्कृतमध्ये उत्कृष्ट तीनजनालाई मायोज गिफ्ट ह्याम्पर, मिदासको हेर्ने पाठ्यपुस्तकको सिडी र प्रथम हुने प्रतिभालाई रु चार हजार आठसय बराबरको डिएमआइटी टेस्टको उपहार पनि प्रदान गरिएको छ ।

   किशोर साहित्यको टड्कारो आवश्यकता र यस क्षेत्रमा रहेको शून्यताको स्थितिलाई गति प्रदान गर्ने कार्यमा सानै भए पनि सकारात्मक पहल होस् भन्ने सदिच्छाका साथ वरिष्ठ साहित्यकार एवं समाजसेवी जलेश्वरी श्रेष्ठको पहलमा उहाँ आफैले संस्थापकका रुपमा रही दुई लाखको अक्षयकोष जुटाएर किशोर पुरस्कारको स्थापना केटाकेटी नेपालले गरेको हो । यो पुरस्कार यसै वर्षबाट बितरण गर्न शुरु गरिएको हो । यस वर्ष पुरस्कृत कृति ‘फ्लास्ब्याकमा जिन्दगी’ को पनि सोही समारोहमा वरिष्ठ लेखकहरु डा. चुडामणि बन्धु र गीताकेशरीले संयुक्त रुपमा विमोचन गरेका थिए । विमोचित कृतिको वारेमा डा. कुमार कोइराला र रामदेव पाण्डेले प्रकाश पारेका थिए ।

   किशोरकिशोरीको जीवनमा सकारात्मक परिवर्तन ल्याउने कार्यमा प्रेरणादायी भूमिका निर्वाह गरी उनीहरूलाई साहित्यिक मिठास दिन समर्थ उत्कृष्ट कृतिको पाण्डुलिपिलाई हरेक वर्ष यो पुरस्कार प्रदान गरिने भएको छ । यस अवसरमा विभिन्न विद्यालयका किशोर प्रतिभाहरूलाई सिर्जनामा लाग्न प्रेरित गर्न साहित्य लेखन प्रतियोगिता गरिएको हो । सहभागीमध्ये उत्कृष्ट एक सयवटा कथा समावेश गरी केटाकेटीका उत्कृष्ट बालकथाहरू नामक कृति प्रकाशन गरिने भएको छ ।

उपत्यकाव्यापिव्यापि कथालेखन प्रतियोगितामा उत्कृष्ट दशमा पर्न सफल प्रतिभा र विद्यालयहरू यस प्रकार रहेका छन् ः

      ४. राजकुमार थपलिया, कक्षा १०, रोल नं. १,

         पद्मोदय उच्च मावि, पुतलीसडक, काठमाडौं ।

       कथाको शीर्षक ः ‘यस्तो बन्द कहिले नहोस्’ (भाषा ः नेपाली)

      ५. प्रज्ज्वल दाहाल, कक्षा ९, एम्बेसडर एकेडेमी, जोरपाटी, काठमाडौं ।

       कथाको शीर्षक ः ‘हन्टेड’ (भाषा ः अङ्ग्रेजी)

      ६. सुमना केसी, कक्षा ९ बि, भिएस निकेतन, मिनभवन, काठमाडौं ।

       कथाको शीर्षक ः ‘म पनि केही हुँ’ (भाषा ः नेपाली)

      ७. अर्जुन गौतम, कक्षा ८, ब्राइट फ्युचर हाईस्कुल, नैकाप, काठमाडौं ।

       कथाको शीर्षक ः ‘सुखको सपना’ (भाषा ः नेपाली)

      ८. बिपिना आचार्य, साइरियस उमावि, वाफल, काठमाडौं ।

         कथाको शीर्षक ‘त्यो अँध्यारो रातमा झ्यालबाट’ (भाषा ः नेपाली)

      ९. शाम्भवी पराजुली, प्रिन्सटन् इन्टरनेसनल हाई स्कुल, शान्तिनगर, काठमाडौं ।

         कथाको शीर्षक ‘भाइले ल्याएको हलचल’ (भाषा ः नेपाली)

      १०. सिद्घान्त सिटौला, कक्षा १०, न्यु सनसाइन स्कुल, नयाँ बानेश्वर, काठमाडौं ।

अब उनी लिटिल मिस नेपाल भएकी छिन्

सुप्रिया मास्के, लिटिल एन्जल्स स्कुल ।
यस वर्ष लिटिल मिस वल्र्डमा प्रतिस्पर्धा गर्न जान २५० जना बालिकाहरुमध्येबाट उत्कृष्ट भई छनोट भएकी छिन् । अब उनी लिटिल मिस नेपाल भएकी छिन् । उनलाई हार्दिक बधाई छ । उनले पनि टर्कीमा हुने फाइनल प्रतियोगितामा यस अघिकी लिटिल मिस वल्र्ड विपश्वीले जस्तै गरी टाइटल जितेर नेपालको सान बढाउन सकून् भन्ने शुभकामना ब्यक्त गर्दछौं ।
 – केटाकेटी न्युज मासिक पत्रिका परिवार ।

केटाकेटीका समाचारहरु, २०६९ भाद्र अंकबाट

बन्दीपुरका बालप्रतिभा पुरस्कृत

वरिष्ठ कवि द्घारिका श्रेष्ठ र वरिष्ठ कथाकार, उपन्यासकार एवं बालसाहित्य लेखक जलेश्वरी श्रेष्ठले स्थापना गर्नुभएको बालसाहित्य पुरस्कार २०६९ बाट बन्दिपुरका चारजना बालप्रतिभाहरू पुरस्कृत भएका छन् ।

पुरस्कार वितरणका लागि बन्दिपुर विकास समितिद्घारा आयोजित स्थलगत कविता प्रतियोगितामा पुरस्कृत भई यी बालप्रतिभाले यो पुरस्कार प्राप्त गर्न सफल भएका थिए । प्रथम, द्घितीय, तृतीय र सान्त्वना पुरस्कारबाट क्रमशः सदीक्षा भण्डारी, सोनिया सुनार, नारायण सुयल र जुना गुरुङ पुरस्कृत भएका थिए । पुरस्कृत प्रतिभालाई क्रमशः ५ हजार, ३ हजार, २ हजार र १ हजार नगद पुरस्कारसहित वरिष्ठ समालोचक प्रा. डा. वासुदेव त्रिपाठीले पुरस्कार वितरण गर्नुभएको थियो । समाजका अध्यक्ष जीवनकुमार श्रेष्ठको सभापतित्वमा भएको यस कार्यक्रममा पुरस्कृत प्रतिभा छनोट समितिमा साहित्यकारहरू हिरण्यकुमारी पाठक, तेजप्रकाश श्रेष्ठ, किशोर पहाडी, रेशमलाल श्रेष्ठ र कार्तिकेय रहनुभएको थियो ।

हरेक वर्ष बन्दिपुरमा बसोबास गरी साहित्य सिर्जनामा सक्रिय प्रतिभावान् बालबालिकाहरूबीच प्रतियोगिता गरी प्रदान गरिँदै आएको यो पुरस्कार विगत ३ वर्षदेखि प्रदान गरिँदै आएको छ । यस वर्ष यो पुरस्कार वितरण कार्यक्रमको संयोजन कवि भीष्म श्रेष्ठले गरेका थिए । उक्त अवसरमा काठमाडौंबाट लेखकहरूलाई बन्दिपुर भ्रमणमा लैजाने दायित्व पुरस्कार कोषका संस्थापक जलेश्वरी श्रेष्ठले पूरा गर्नु भएको थियो ।

आमाको सम्झनामा विद्यालय

वरिष्ठ समालोचक एवं संस्कृतिविद् डा. रामदयाल राकेशले आफ्नी ममतामयी आमा पार्वती साहको सम्झना (स्मृति) मा प्राथमिक विद्यालयको स्थापना गर्नु भएको छ । पार्वती प्राथमिक विद्यालय नाम रहेको यो विद्यालय डा. राकेशको जन्मथलो सर्लाही जिल्लाको सिसौटियामा रहेको छ । यो विद्यालयमा अहिले ६० जना विद्यार्थी अध्ययनरत छन् । यो विद्यालयका प्रधानाध्यापक चन्द्रिका श्रेष्ठ हुनुहुन्छ । अग्रज लेखक डा. राकेशको यो सह्रानीय सामाजिक काम प्रति हामी दङ्ग छौं, उहाँलाई हार्दिक धन्यवाद भन्दछौं ।

जुनियर बास्केटबल बाबा बोर्डिङले जित्यो

अन्तर विद्यालय स्तरीय जुनियर बास्केट बल प्रतियोगिता बाबा बोर्डिङ स्कुल चावहिलले जितेको छ ।

दोस्रो स्काइलार्क स्कुल, धापासी एवं तेस्रो र चौथोमा क्रमशः कान्तिपुर इङ्लिस स्कुल, महाराजगञ्ज र काब्या स्कुल, बानेश्वर भएका छन् ।

युरो स्कुल हाँडिगाउँले आयोजना गरेको सो प्रतियोगिता गत २०६९ असार १ देखि ८ गतेसम्म भएको थियो । सो प्रतियोगितामा आठवटा विद्यालयहरू सहभागी भएको युरो स्कुलका सहायक प्रिन्सिपल आर. डी. शेर्पाले बताए । सहभागी विद्यालयहरूमा चाँदबाग स्कुल, कान्तिपुर इङलिस हाइ स्कुल, काब्या स्कुल, साइपाल एकेडमी, स्वाती सदन स्कुल, स्काइलार्क स्कुल, युरो स्कुल र बाबा बोर्डिङ स्कुल रहेका थिए ।

विजेता टिमलाई प्रमुख अतिथिहरू चौधरी ग्रुपका महाप्रबन्धक रमेश श्रेष्ठ तथा आइ. इ. सी. की प्रबन्ध निर्देशक शैलजा अधिकारीले शिल्ड तथा प्रमाणपत्र प्रदान गरेका थिए ।

एसएलसी पास विद्यार्थीलाई अभिनन्दन

वि.सं. २०६८ को एसएलसी परीक्षामा उत्कृष्ट नतिजा ल्याउने आफ्ना सदस्य स्कुलका सम्पूर्ण विद्यार्थीहरुलाई प्रोग्रेसिभ एजुकेसन फोरमले अभिनन्दन गरेको छ ।

फोरममा ९ वटा स्थानीय  विद्यालयहरु संगठित भएका छन् । जसमा अनमोल ज्योति उच्च मावि, मालिगाउँ, न्यु सनसाइन सेकेन्डरी स्कुल हाडिगाउँ, दुर्गा भवानी एकेडमी, धुम्बाराही, मिसन पब्लिक स्कुल, बौद्ध, महान सिद्धार्थ हाई स्कुल, कुमारीगाल, न्यु इङलिस सेकेन्डरी स्कुल, मैजुबहाल, न्युमोनिक मोर्डन एकेडमी, जोरपाटी, ज्ञानदिप शिक्षा सदन गौरीनगर र सनलाइट इङलिस सेकेन्डरी स्कुल गौरीनगर सदस्य रहेका छन् ।

कार्यक्रममा उत्कृष्ट नतिजा ल्याउने १० जना विद्यार्थी तथा विशिष्ट श्रेणीमा उत्तिर्ण हुने विद्यार्थीहरुलाई विशेष सम्मान तथा अभिनन्दन गरियो । साथै एसएलसीमा पास हुने सम्पूर्ण विद्यार्थीहरुलाई प्रमाणपत्र वितरण गरिएको थियो । सदस्य स्कुल मध्ये बाट प्रत्येक विषयमा उच्च नतिजा ल्याउने विद्यालयका विषय शिक्षकहरुलाई पनि सम्मान गरिएको थियो ।

विद्यालय र शिक्षाका क्षेत्रमा भएका साझा मुद्दा र सवालहरुमा सामूहिक समाधान खोज्ने प्रयास स्वरुप यी स्कुलहरु संगठित भएको कुरा फोरमका उपाध्यक्ष बाबुराम के.सीले बताए ।

सदस्य स्कुल मध्येबाट एसएलसीमा सबैभन्दा बढी अंक ल्याउने स्कुलले कार्यक्रम आयोजना गर्ने परम्परा अनुरुप न्यु इङलिस स्कुलले सो कार्यक्रम आयोजना गरेको जानकारी कार्यक्रम संयोजक नितेश राईले बताए । सो स्कुलका छात्र सुशान्त गौतमले ८८.७५ प्रतिशत अंक सहित नौ वटा विद्यालय मध्येमा सबैभन्दा बढी अंक ल्याउन सफल भएका थिए ।

कार्यक्रमा पास हुने सम्पूर्ण विद्यार्थीलाई बधाई दिँदै उच्च शिक्षाका लागि सही विषय छान्न उत्प्रेरित गरिएको थियो । फोरमका अध्यक्ष विष्णु प्रसाद पोखरेलले रुचि र क्षमता अनुसारको विषय छानेर उच्च शिक्षा अगाडि बढाउन विद्यार्थीहरुलाई सुझाव दिएका थिए ।

कार्यक्रम गर्न मिल्ने ठाउँ केटाकेटी मिडिया क्लब

तपाईं बालबालिकाको सिर्जनात्मक प्रतियोगिता, उनीहरुसँग छलफल र बालअधिकार एंव बालसाहित्य प्रवर्धनका लागि वैचारिक बहस, लेखन अन्तरक्रिया आदि गर्न चाहिरहनुभएको छ भने सानो समूह २५ जना जति बसेर छलफल गर्न मिल्ने, प्रतियोगिता कार्यक्रम गर्न मिल्ने ठाउँ केटाकेटी मिडिया क्लब, सेतो दरबार, जमल, काठमाडौं (सेतो ढोकाबाट ५ घरभित्र चौथो तलामा) मा रहेको छ । बालबालिकालाई सिर्जनात्मक क्षेत्रमा अभिप्रेरित गर्ने र उनीहरुको प्रतिभा प्रदर्शन गर्ने बालसहभागितामूलक कार्यक्रमलाई विशेष प्राथमिता दिइने छ ।

‘भक्तपुर घुम्दाको मज्जा’ को विमोचन

बालप्रतिभाको प्रवर्धनका लागि विगत १५ वर्षदेखि काम गरिरहेको केटाकेटी मिडियाबाट प्रकाशित प्रतिभाशाली बालक सुशान्तमान सिंह मास्केको दोस्रो कृति ‘भक्तपुर घुम्दाको मज्जा’ (यात्रा संस्मरण) कृतिको विमोचन सम्पन्न भयो । वरिष्ठ साहित्यकार एंव संस्कृतिविद् सत्यमोहन जोशीले लेखक मास्केको कृति विमोचन गर्नुभयो । विलक्षण प्रतिभावान् बालक सुशान्तले कक्षा ६ मा पढ्दा यो कृति लेखेका हुन् । उनी अहिले नोवेल एकेडेमीमा कक्षा ७ मा पढ्छन् । उनले ११ वर्षको उमेरमा पहिलो कृति लेखेका थिए । उनी रेडियो नेपालका बालसमाचारवाचक पनि हुन् । उनको यो कृतिमा भक्तपुर दरवार क्षेत्रमा रहेका सम्पदाहरुको परिचय फोटोसहित अंग्रेजी र नेपाली दुवै भाषामा रोचक ढंगले दिइएको छ । यो पुस्तक केटाकेटी मिडियाले प्रकाशन गरेको हो ।

नोवेल एकेडेमीका प्रधानाध्यापक डा. जयराज आचार्यको सभापतित्वमा भएको यस कार्यक्रममा केटाकेटी मिडियाका अध्यक्ष कार्तिकेय घिमिरे र महेश पौड्यालले विमोचित पुस्तकको वारेमा प्रकाश पारेका थिए । कार्यक्रममा साहित्यकार गोपाल पराजुली, गोविन्द घिमिरे, धु्रव मधिकर्मी, बालप्रतिभाहरु रविना घिमिरे र सुमिक्षा खड्कालगायतले रचना सुनाउँनुका साथै विमोचित कृतिको वारेमा विचार व्यक्त गर्नुभएको थियो । लेखक सुशान्त मातापिता जयन्ती र सुरेशमान मास्केको एक मात्र छोरा हुन् ।

‘जून पोखिएको आँगन’ कविता संग्रहको विमोचन सम्पन्न

बालप्रतिभाको प्रवर्धनका लागि विगत १५ वर्षदेखि काम गरिरहेको केटाकेटी मिडियाबाट प्रकाशित प्रतिभाशाली बालिका रविना घिमिरेको ‘जून पोखिएको आँगन’ कविता संग्रहको विमोचन सम्पन्न भयो । वरिष्ठ साहित्यकार डा. मोदनाथ प्रश्रित, नेपाल प्रज्ञा प्रतिष्ठानका उपकुलपति गंगाप्रसाद उप्रेती र उद्योगपति डा. ताराप्रसाद पोखरेलले संयुक्त रुपमा लेखिका घिमिरेको कृति विमोचन गर्नुभएको थियो । विलक्षण प्रतिभावान् बालिका घिमिरेले कक्षा ४ पढ्दादेखि कक्षा १० सम्म अध्ययनरत रहँदा रचना गरिएका ३२ कविताहरू यस संग्रहमा रहेका छन् । यो केटाकेटी मिडियाको दशौं प्रकाशन शृंखला अन्तर्गत् प्रकाशित भएको हो ।

केटाकेटी मिडियाका अध्यक्ष लेखक कार्तिकेयको सभापतित्वमा भएको यस समारोहमा कृतिका वारेमा विश्वविद्यालयका अंग्रेजी विषय शिक्षक महेश पौड्यालले प्रकाश पारेका थिए । साथै प्राज्ञ बुँद राना, सह प्राध्यापक रञ्जुश्री पराजुली, रमा अधिकारी, गोपाल पराजुली, प्राज्ञ विष्णु प्रभात, बालप्रतिभा सुशान्तमान सिंह मास्के, भागवत आचार्य, सुब सेन, रामबहादुर पहाडी, राजेन्द्र घिमिरेलगायत लेखकहरूले रचना सुनाउँनुका साथै कृतिको वारेमा विचार व्यक्त गर्नुभएको थियो ।

विश्वकै कान्छा फोटोग्राफर रिरेन्द्र श्रेष्ठ के भन्छन्

(बालप्रतिभाको आँगनमा)

Rirendra with Prime Minister Dr. Baburam Bhattrai

रिरेन्द्र श्रेष्ठ नेपाली बालप्रतिभा हुन् । उनी विश्वकै कान्छा फोटोग्राफर हुन् । सेन्ट जेभियर स्कुलमा कक्षा १ मा पढ्ने रिरेन्द्र अहिले ६ वर्षका भए ।

उनले आफू पन्द्र महिनाको उमेरको हुँदा देखि फोटो खिच्न थालेका हुन् । चार वर्षको उमेरमा सन् २०११ जुलाइ महिनामा उनको नाम विश्वकै कान्छा फोटोग्राफरको रुपमा गिनिज बुक अफ वल्र्ड रेकर्डमा लेखिएको हो ।

यस अङ्कमा हामीले यिनै कान्छा फोटोग्राफर प्रतिभाशाली बालक रिरेन्द्र श्रेष्ठसँग गरिएको कुराकानी प्रस्तुत गरेका छौं । 

फोटो खिच्न कसले सिकाइ दियो ?

बुवा, आमा र दिदी तीनै जनाले फोटो खिच्नु हुन्छ । उहाँहरूले नै मलाई फोटो खिच्न सिकाउनु भएको हो ।

तपाईंले खिच्नु भएको पहिलो फोटो कुन हो ?

मैले खिचेको पहिलो फोटो मेरी आमाको फोटो हो । त्यसपछि मैले गिरिजाप्रसाद कोइराला, माधव नेपालको फोटो खिचें । अनि अहिले विश्वमै नाम लेखाउन सफल भएपछि राष्ट्रपति डा. रामवरण यादव, उपराष्ट्रपति परमानन्द झा, प्रधानमन्त्री डा. बाबुराम भट्टराई र अरु थुप्रै मन्त्रीहरू लगायत धेरै मान्छेहरू र विभिन्न प्रसिद्घ ठाउँहरूको फोटो खिचेको छु ।

के गर्दा रमाइलो र मज्जा लाग्छ ?

नयाँ–नयाँ फोटो खिच्न पाउँदा मलाई रमाइलो लाग्छ र मज्जा पनि आउछ । अनि मलाई फुटबल, बास्केटबल र क्रिकेट खेल्दा पनि मज्जा लाग्छ ।

अब कस्तो फोटो खिच्न मन लागेको छ ?

अब अलि फरक किसिमको फोटो खिच्न मन छ । जस्तै, नम्बर प्लेट नराखी चलाएको सवारी साधनको, कहिं कतै दुर्घटना भयो भने त्यसको पनि सुरुमै फोटो खिच्न मन लाग्छ । मलाई सबैभन्दा बढी कन विश्वको सर्वोच्च शिखर सगरमाथाको फोटो नजिकैबाट खिच्ने मन छ । माउन्टेन फ्लाइटबाट त मैले फोटो खिचिसकेको छु ।

फोटो खिच्न घुम्दा कस्तो अनुभव भयो ?

एकदमै रमाइलो भयो । मैले फोटो खिच्ने प्रतिभा भएकोले प्रधानमन्त्री, राष्ट्रपति, उपराष्ट्रपति, मन्त्रीहरू र अरु थुप्रै मानिसहरूसँग भेट्ने मौका पाएँ । सबैले माया गर्नु भयो । एकदमै खुसी लागेको छ ।

फोटो खिचेर घरमै राख्ने हो कि, के गर्ने हो ?

मैले आफूले खिचेका फोटोहरू जम्मा पारेर फोटो प्रदर्शनी गर्ने गरेको छु । अहिलेसम्म मैले १२ वटा फोटो प्रदर्शनी गरिसकें । मलाई अझ धेरै फोटो खिचेर अझ धेरै मान्छेहरूलाई देखाउँने इच्छा छ ।

ठूलो भएर के बन्ने इच्छा छ ?

विश्वकै राम्रो टप फोटोग्राफर बन्ने लक्ष्य छ । अनि असल प्रहरी बनेर देसको नाम संसार भरि चिनाउछु । देसको सेवा गर्छु भन्ने इच्छा छ ।

आफूले खिचेको कुन–कुन फोटो मनपर्छ ?

सगरमाथा हिमालको, दक्षिणकालीको, नम्बर प्लेट नराखेको गाडीको र राष्ट्रपतिको फोटो मलाई राम्रो लाग्छ । यी फोटोहरू मैले राम्रो खिचेको छु भन्ने मलाई लागेको छ ।

                           प्रस्तुति ः ऋषिराम पाण्डे

मिदास ई क्लास बजारमा

मिदास एजुकेसन प्रा.लि. (अग्रणी व्यापारीक समुह मिदासको एक अंग) ले मिदास इ(क्लास नेपाली बजारमा ल्याएको छ । यो नेपालमा बनेको अन्तर क्रियात्मक श्रब्य दृष्य शैक्षिक सफ्टवेयर हो । विशेष रुपमा भन्नुपर्दा मिदास इ(क्लास नेपाल सरकारको पाठ्यक्रममा आधारित तयार पारिएको एकमात्र डिजिटल मल्टिमिडिया शिक्षण सफ्टवेयर हो । यसको प्रयोगबाट शिक्षकहरुले स्कुलमा पढाउने र विधार्थीहरुले पढ्ने शैलीमा नविनतम परिवर्तन ल्याउछ ।
विधार्थीहरुले पाठ्यक्रममा भएको गाह्रो भन्दा गाह्रो विषयहरुलाई एनिमेटेड् गरीएको श्रब्य दृष्यद्वारा संवादिकरुपमा हेर्न र सुन्न सक्छन् । कम्पनिका अनुसार यसले विधार्थीहरुमा रमाइलो र उत्कृष्ट अनुभवका साथमा स्कुलमा उनीहरुको सम्पूर्ण शैक्षिक उपलब्धि बढाउनमा मद्दत गर्दछ ।
त्यसैगरी एनिमेसन र श्रब्य दृष्य तथा बिभिन्न अरु उपयोगी वस्तुबाट शिक्षकहरुले आफ्नो पढाउने पद्धतिहरुलाई परिष्कृत गर्दै लान सक्छन् ।
कम्पनिका अनुसार मिदास इ(क्लासको मुख्य उद्देश्य चाँहि विधार्थीहरुले विभिन्न मल्टिमिडिया शैक्षिक सामाग्रीको मद्दतबाट राम्ररी पढ्न सकुन र साथै छलफल, वादबिवाद, रचनात्मक तथा तार्किक विश्लेषणका साथै सामुहिक अध्ययन गर्न सकुन् भन्ने हो । धेरै अन्र्तसंवाद हुने भएकोले यसले शिक्षक तथा विधार्थी दुबैमा  राम्ररी बुझ्ने र बुझाउने वातावरण सृजना गर्दछ, जसले गर्दा समयमा कोर्स सकिन्छ भन्ने दाबि कम्पनिको रहेको छ ।
कम्पनिले अझ सक्षम बनौं, अनि आत्मविश्वास बढाऔं भन्ने मूलनाराका साथ मिदास ई क्लास नेपालको निजी तथा सामुदायिक स्कूलहरुका लागि आजै देखि उपलब्ध  गराईएको जानकारी गराएको छ  ।

MiDas eClass in market

MiDas Education Pvt. Ltd, a unit of a leading business group MiDas, has launched MiDas eClass, an Animated Interactive Audio-visual teaching software, in Nepali market.  

Specifically speaking, MiDas eClass is a Nepal Government curriculum based digital initiative, which is committed towards transforming the way teachers teach and students learn in schools with innovative and meaningful use of technology.

Designed and developed in Nepal, the digital product is basically towards schools.

“We have introduced MiDas eClass after the phenomenal success of our other education related Audio-visual products like MiDas Edukit. We are highly optimistic that MiDas eClass will also prove pivotal in empowering the entire academic system and process of schools,” claims the company.

“Students learn difficult and abstract curriculum concepts watching highly animated and interactive visuals. This makes learning an enjoyable experience for students while improving their overall academic performance in school,” states the company.

Similarly, teachers get the relevant digital resources such as animations and videos, interactive virtual labs’ tools etc and they could develop their lesson plan in computer using these contents, it is said.

The core principle of MiDas eClass is that students learn better through a variety of multisensory experiences, including hands-on activities, discussions, debates, creative and critical thinking activities, collaborative research, field trips and multimedia, adds the company.

Uniformity in class teaching, better understanding of concept, empowerment of both teachers and students, more interaction in class and quick assessment and course completion in time are some of the benefits of MiDas eClass.

Superior audio and visuals, cost effective and simple installation procedure and content upgrades on a regular basis are said to be other unmatched features of MiDas eClass.

खेलौँ अब होली (बालकविता) - रमेशचन्द्र घिमिरे

आज रङ्गीन भए पनि नुहाउनुपर्ला भोलि
सबै मिली रमाउँदै खेलौँ अब होली

रीता, गीता होली खेल्छन् यो रमाइलो दिन
सीता पनि आऊ यतै एक्लै बस्छ्यौ किन
केटाकेटी सबै हिँडे भई टोली-टोली
हामी पनि रमाउँदै खेलौँ अब होली

लाइदिऊँ अबिर छिटो-छिटो भाग्लिन् बूढी आमा
रातो रङले रङ्ग्याइदिऊँ सुन्तलीको जामा
अमिलो मन पार्नुहुन्न हाँसौं दिल खोली
साथी-भाइ रमाउँदै खेलौँ अब होली

कोही भन्छन् अबिर अनि कोही भन्छन् फागु
हातमा फागु देख्नासाथै हुन्छ भागूँ-भागूँ
काकी पनि आउनुस् नत्र रङ्ग्याई छाड्छौं चोली
हामी सबै रमाउँदै खेलौँ अब होली ।